Küm 14 sülen Van Persie lanuwa asayaba club-i aor

Aenjeti 20, 2018 (Agencies): Turkey nung aliba Fenerbahce FC nungi Robin Van Persie ya pa lanuwa football asayaba club, Feyenoord-i arutsü, ta iba club ajanga Rogonü ashi.
2015 küm nungi tenzüka Feyenrood den asayadang arishi küm 34 tain, Persie-i goal 36 agütsüteta lir aser 2002 küm pa indang professional career tenzükdaki arutsü asoshi Tentonü renemtsü.
“De Kuip-i arutsü asoshi lenmang nung tenokdangba kicha mali aser pa tang asayaba Fenerbahce club nung contract shibangtsü asoshi tangatettep kati aruogo,” ta Dutch club ajanga ashi.
Feyenoord-i arutsü asoshi iba club aser Van Persie tsüngda tezüngzüktep ya hopta tetenzüklen agi.
Van Persie ya tamale Arsenal aser Manchester United nungi Premier League nung asaya liasü aser pai season asem nung Feyenoord atema goal 22 agütsü. Pa 2004 nung Arsenal-i ao.
Dutch nungba ya par linük tenüng nungi World Cup asem tashi nung asaya lir, par linük tenüng nung asaya 102 nung shilem agi aser goal 50 agüja lir.