Küm 21 tashi arishia alitsü ta ni mebilem: Demi Lovato

June 29, 2016: Kentener, Demi Lovato-i la taküm nungi tangar ajungmesotsü atema tamalen la dak ajangshiba otsütem lemsatepa arur.
Tamalen la junga mechiyungi aliba aser temesepba mozü achiba den yi ajemba tebilemtsü indang lemsatepdang lai, la mozü achiba aser yi ajemba mapang la arishi küm 21 tashi arishia alitsü ta lai mebilemi liasü, ta ashi.
2012 küm nungi kentener Lovato-i temesepba chiyungtsütem toktsü aser lai American Way magazine den jembidang lai, la tang tashi alcoholics anonymous meetings nung adener ta ashi.
“Ni küm taküm kanga karaa ali aser ni lanuwa nungi asütsü liasü,” ta Lovato-i ashi.
Lovato-i, “Ni küm 21 tashi arishi alitsü ta ni mebilemi liasü,” ta ashi.
2010 küm mezüng Lovato rehab-i aodang la dak bipolar disorder putet aser bulimia atema treatment agia liasü.
Lovato-i ashiba agi, lai rehab center toktsüdang la bulimia aser bipolar symptoms takugnba kümer liasü saka temesepba yi ajemba yimyabo medoktsütet.
“Ni mozü aser yi tenilemtsü treatment atema aru masü ta ni bilema liasü. ajisüaka ni ano tanaben achi tenzükdang tebielmtsü timba adok,” ta lai ashi.
Iba sülen küm ka ali ano la West Hollywood sober house (rehab) nung küm ka shi amung.
“2012 January ita nung ni tesüsa yi ajem aser maneni alcoholics anonymous meetings nung adener,” ta lai ashi.
“Tangbo küm taküm ya tangar ajumgmesoba taküm ka asütsü,” ta laisa ashi.