Küm 25 nung Saudi Embassy Baghdad nung tentetshir

Baghdad, January 14 (Agencies): Taoba küm 25 tashi shibanga ayuba sülen Saudi Arabia-i par embassy Iraq yimtiba, Baghdad nung tanü Brehostibar nü tentetshiogo.

Tesüiba Iraq Tir, Saddam Hussein-i Saudi pusemba linük, Kuwait amaktsü ozüng agütsüba sülen Saudi-i Baghdad nung tentetba embassy 1990 küm shibanga liasü.

Iraq Foreign Minister, Ibrahim al-Jaafari-i tanü Saudi’er Iraq ambassador, Thamir al-Sabhan den ajurua Saudi embassy tentetshiba sentongji agia par linük ana tsüngda tesendaktep tajungba küma yanglushitsü azüngashi.

Saudi-i tan January ita tetenzüklen tongti Shiite putir ka tepseta merenshiba ajanga par linük o Iran na tsüngda tesendaktep mejungi akümba mapang ka nung Iraq-i linük anaprongla den tesendaktep junga ayutsü merangba osang bushiteta lir.