Küm 3 nung 1 buba Egypt Parliament senden amener

Cairo, January 10 (Agencies): Egypt-i küm 3 nung tan mezüngsüa parliament senden tanü Deobar nü menogo.
Egypt parliament-i taruba anogo 15 tsüngda nung par Tir, Abdel Fatteh el-Sissi-i agiba telemtetba noklang aika ozüng küma agizüktsüsa tang tia ajurua lir.
Egypt nung tentetba temaba okadaki taoba Egypt Tir, Mohamed Morsi-i aniba parliament 2012 küm loksatsüba sülenbo Egypt nung parliament tentettsüsa tensa majurui aru.
Taoba Egypt mitkar lenisang, Sissi-i Muslim Brotherhood (MB) yimtenren telok lenisang, Morsi Tir menden nungi tashiyim agi atsüngdoker 2014 küm Egypt lenisütsü menden benok.
Sissi-i yimsütsü tashi benokba sülen Morsi pua tepuokdak ayutsü ozüng agütsüba den külemi, pai aniba Egypt sorkari MB telok ya ozüng alema inyaker telok ka tanübo kümdaktsüogo.
Egypt-i 2014 küm linük temzüng tasen ka tenteta election agiba sülen ang tan senden amenba parliament tasen ya tentet.