Küm 3 sülen Pakistan nung YouTube amshitsü

Islamabad, January 18 (Agencies): Pakistan nung küm asem dak tema Youtube noktangba sülen tanaben amshitsü atema temelaba agütsüogo.
Ministry of Information Technology-i Pakistan nung YouTube tanaben amshitsü temelaba agütsüogo, ta ARY News ajanga metetdaktsü.
2012 küm tashishitep aketba video ka internet nung pokshiba sülen Pakistan ketdangsertemi linük ajungalen YouTube noktanga liasü.
Ketdangsertemi iba video ji agientsü atema YouTube dang ashi saka parnoki ibaji magizük. Ibaji ajanga Pakistan ketdangsertemi YouTube noktangtsü lemteta liasü.