Küm 30 tema W/C PHED field staff inyakertem senden alitsü jateper

Dimapur, August 5 (TYO) : Küm 30 tema W/C PHED field staff tem August 11, 2015 anüngdang 12:00 ako nung rongdak senden ka alitsü jazüker, ta All Nagaland PHED Field Staff Association (ANPHEFSA) tir N. Zhekugha Assumi-i sangdong ka nung metetdaktsü.
Iba senden ya Super Market, Dimapur tesülen aliba Science Center nung alitsü aser regularization ken o atema olemteptsü. Anungji, Unit Division tirtem küm 30 tema W/C PHED field staff tem ajak arua adentsü mepishir, ta ANPHEFSA tirisa metetdaktsü.