Küm 4 atema jilia Academy-i Oscar sentong anogo sangdong

Los Angeles, April 5 (Agencies): Academy ajanga taruba küm 4 atema jilia Oscar sentong agitsüba anogo sangdongogo.
Taruba küm 90buba Academy Award sentong March 4 nü agitsü.
2019 atema February 24, 2020 nung February 23, aser iba sülen 2021 küm February 28 nung agitsüba osang ka ajanga sangdongogo.
February ita Winter Olympics den metsükteptsü asoshi 90buba award sentong March-i belener atu.
2018 Oscar sentong produce asütsü asoshi Michael De Luca aser Jennifer Todd nati ‘Academy of Motion Picture Arts and Sciences’ den jembitepdar.
Maneni iba sentong TV show host Jimmy Kimmel nem anidaktsütsü asoshi tejangraba Academy-i lemsatepa liasü.