New Delhi, September 21 (Agencies) : Tesüiba küm pezü tsüngda ozüng alema prangpong shibelenba tongti tesemji Assam liasü aser iba state nung ozüngi memelaba prangpong 1705 apu.
Ministry of Home Affairs (MHA)-i sangdongba osang ka nung, 2012 nungi June 2015 tsüngda North East tesenm nung ozüngi memelaba prangpong 4148 apu.
Assam dak alia Manipur nunga ozüngi memelaba prangpong 1,249, Nagaland nung 565, Meghalaya nung 388, Mizoram nung 149, Arunachal Pradesh nung 23 aser Tripura nung 69 apu, ta Ministry of Home Affairs (MHA)-isa metetdaktsü.
“North East nungi NSCN(K), ULFA(I), PLA, GNLA nunger den telungpur teloktemi ozüng alema prangpong-injang shibelener. Telungpurtem dang masü saka lokti anema inyakba teloktemia iba mapa inyaker” ta Assam police ketdangser kati ashi.
“Telungpur teloktemi northeast tesem nungi linük nung tanga tesemtemi parnok agents ajanga prangpongtem belenogo” ta paisa shisem.
Ozüng alema shibelenba prangpongtemji South-East Asia nungi Myanmar adena bener aruba lir, ta Assam Police ketdangserisa metetdaktsü.
Küm pezü tsüngda linük nung ozüng alema prangpong-injang shibelenba dak sendakba nung nisung 38,333 apu. Parnok rongnung Assam nung 1321, Manipur nung 1174, Nagaland nung 555, Meghalaya nung 360, Mizoram nung 72, Arunachal Pradesh nung 13 aser Tripura nung 35 densema liasü.
You must be logged in to post a comment Login