Küm 4 tsüngda nung Government Website 700 dak tema hack süogo

February 8, 2017 (Agencies): Küm 4 tsüngda nung Centre aser state nung department balala indang website 700 dak tema hack süogo, ta Lok Sabha nem metetdaktsü.
Government website hack asüba ajak senteper 707 nung yaküm 199, 2015 nung 164, 2014 nung 155 aser 2013 nung 189 liasü, ta tezüluba nung Home Affairs Kiren Rijiju-i Lok Sabha nem tezüluba nung telangzüba agütsü.
Tang tashi nung cyber crimes ken o nung parnok 8,348 puogo, ta Rijiju-i ashi. Counter-terrorism force National Security Guard (NSG) website taküm January 1 nung memetetba hacker temi hack süa osang tamajung post sütsür liasü.
“NSG website koba National Informatics Centre (NIC) nung sendaktepa lir, iba website idangjisa shibang,” ta minister-isa shisem.