Guwahati, Feb. 27 (Agencies): Centre sorkari North East tesem nung lenmang network nung sen crore lakh ka intoktsü aser ibaji ajanga Assam kija nung lanur lakh 10 mapa angutsü, ta tanü New Delhi nung Road Transport & Highways Union Minister, Nitin Gadkari-i metetdaktsü.
Taruba küm pongu tsüngda NE nung lenmang atema sen crore lakh ka intoktsü aser sen crore merirjang 12-14 indang mapabo tenzükogo, ta paisa ashi.
Iba dak sentakba nung tanü project pezü atema lung azüngtsüogo aser taruba ita asem tsüngda state nung project pongu atema lung azüngtsütsü.
Taruba küm pongu tsüngda Assam lanur lakh 10 nem mapa agütsütsü Centre nükjidong lir, iba den külemi state lenmangtem yangluba nung local contractor tem-a dendaktsütsü, ta paisa sangdongogo.
“NE atema tayongzükba tulutibaji lenmang connectivity lir aser iba atemaji onoki inyaktsü,” ta paisa shisem.
You must be logged in to post a comment Login