Küm 50 ajungba nüngtem nung Abba züngsemtem longjem

Stockholm,. June 7 (Agencies) : Küm 30 sülen Abba züngsemtem longjemogo aser iba ya Abba sapurtem atema 1970s mapang ama bilema alitsü akok.
June 6, 2016 nü Agnetha Faltskog, Björn Ulvaeus, Benny Andersson aser Anni-Frid “Frida” Lyngstad nungertem Stockholm nung külemi kenten sabang nung shilem agi.
Abba telok tenteter küm 50 ajungba benjungmung nung parnoki longjemer külemi shilem agi.
Berns Salonger hotel nung Abba kenzülurtem – Andersson aser Ulvaeus nati iba sentong ayongzüka agi. Iba mapang Faltskog aser Lyngstad nati 1980 ken ‘Me And I’ aten aser idangji tena taoba kinungbotemi sabang nung külemi shilem agi.
Iba sentong nung mendenji radio DJ Claes af Geijerstam liasü aser pa ya Ola & The Janglers telok nung züngsem ka lir. 1973 küm Eurovision Song Contest nung Ola & The Janglers-i Abba madak takok ngua Sweden tenüng nung shilem agi. Ajisüaka, 1974 nung Abba-i ‘Waterloo’ ken ajanga  Eurovision Song Contest takok angu aser iba ken ya alima nung kanga nüngtugu aküm.
Abba-i aliba nung kensep 380 million den tema yoktetogo aser Dancing Queen, Mamma Mia, Knowing Me Knowing You o The Winner Takes It All kentem atema parnok kanga nüngtugu lir.