Küm 6buba atonga Sofia Vergara highest-paid TV actress lir

September 28, 2017: Actress, Sofia Vergara taküm agi küm 6buba atonga alima nung sen timba aazüker TV actress lir.
Yaküm June ita nungi taküm June ita tashi nung Sofia Vergara-i US sen million 41.5 aazük, aser ibaji ajanga la alima nung TV actress rongnung sen timtiba aazükerji lasa lir.
‘Modern Family’ star, shibai Gloria Delgado-Pritchett shilem agia liasü, lai June 2, 2016 nungi June 1, 2017 tsüngda saru magütsü tashi nung sen million $41.5 aazüka liasü.
Iba tarensen nung Sofia sülen Kaley Cuoco lir, ajisüaka tena tetsüngda kanga ittepa lir. Kaley-i ‘The Big Bang Theory’ episode shia US sen million ka dang aazüker, aser lai June 2, 2016 nungi June 1, 2017 tsüngda US sen million $26 aazüka liasü, aser ibaji Sofia-i aazükba dang nungi sen million $15 agi tajemba lir.
Tasembuba jenjang nung Mindy Kaling (The Mindy Project star) aser Ellen Pompeo (Grey’s Anatomy star) na lir, aser tenapronglai US sen million $13 aazüka liasü.
Pongububa jenjang nung ‘Law & Order: SVU’ star Mariska Hargitay lir (million $12.5).
Jenjang trokbuba, tenetbuba aser tibuba nung Julie Bowen ($12 million), Kerry Washington ($11 million) aser Priyanka Chopra (million $10) lir.
‘Highest paid TV Actress’ tarensen temaba jenjang nung parnok 10 ji yamai lir:
1. Sofia Vergara — $41.5 million
2. Kaley Cuoco — $26 million
3. Mindy Kaling — $13 million
3. Ellen Pompeo — $13 million
5. Mariska Hargitay — $12.5 million
6. Julie Bowen — $12 million
7. Kerry Washington — $11 million
8. Priyanka Chopra — $10 million
9. Robin Wright — $9 million
10. Pauley Perrette — $8.5 million