Küm asem nung Isro-i satellite 239 yok; sen cr. 6,289 ajangzük

New Delhi, July 24 (Agencies): Tanü sorkari Parliament nung, tesüiba küm asem tsüngda Indian Space Research Organisation (Isro) indang commercial arm Antrix Corporation-i satellite 239 yok aser ibaji ajanga sen crore 6,289 ajangzükogo, ta metetdaktsü.
Lok Sabha nung tasüngdangba ka langzüdang Minister of State in the Prime Minister’s office, Jitendra Singh-i, Isro centres aser DOS units atema research & development mapa asoshi 2019 küm March 6 nü sorkari administrative control of department of space (DOS) kübok NewSpace India Limited (NSIL) amenokogo, ta metetdaktsü.
Paisa, Indian space programme nüngdak balala peritsütsü aser global space market atema NSIL amenok, ta metetdaktsü.
“Antrix Corporation Limited-i tesüiba küm asem nung satellite 239 yokogo. Tesüiba küm asem nung item operations ajanga sen crore 6,289.05 ajangzükogo,” ta Minister-isa metetdaktsü.