Küm ka nung Ita telemsa aser nüngja

– Mr. M. T. Among Jamir, Akhoya

Küm ka nung Mongpu pezü (4) lir; (1) Metsü mapang (2) Meyi mapang (3) Mangkunang aser (4) Tsüngküm. Mongpu ka nung ita asem (3) lir.
Saka tsümar ita züngya aser Aor ita züngya meputeper. Akhi asen tsüraburi ita anogo asükyim anümelen (full moon) nungi Anümelen tetsüngta ita ka ta süka aru aser aji yamai angazük; jameja, ajidaka, chiesemji, tekongsüpa, tamojisang aser züngya 1,2,3,4,5,6,7. Iba jagi küm nung ita 12 apensar, anungji ita tenüng 5 tenji inyaksangshi dak apet ita tenüng palala alitsü akok, kechiba süra asen Ao lima asüyonga tsüngküm mongpu tera balala lir.
Ita telemsa aser nüngja tsüraburi yamai shia aru;
1. Apanen Ita (January) : Iba mapang nung tzünglu arutsü aser alu achiba apa süsümedema anentsü. Iba jagi dang alu junga arongtsü.
2. Mopungkila (February) : Mopong aon tenzükba mapang.
3. Tenten Ita ( March) : Iba mapang tsükmetsü aser metsüjang ajak ali nung tententsü (aremtsü)
4. Longmi Ita (April) : Iba mapang mopong melentsü anungji arem yata aser tzümai alur tashidak ka agi shiranga asür anungji iba dang Tsüraburi Longmi ajuru ta aja.
5. Jameja Ita (May) : Yimer Yimsanger (Tejamir) ajak jaoka benjong aliba mapang.
6. Ajidaka Ita (June) : Alu inyakmar tsük adok ajia (repranga) ataba ita.
7. Chiesemyi (July) : Alu arutsü asoshi mezüng Chie (tsük abenba khu) semzüka bener aoba mapang.
8. Tekongsüba Ita (August) : Iba mapang nung takong tenem tesem tesem nung tzünglu südaka arutsü.
9. Tamo jisang ita (September) : Tamo tepen apong tenzükba (tepen sangzüka) mapang.
10. Lepten Ita (October) : Alu tasen leptenpa mapang.
11. Mangushi Ita (November) : Mangu pushiba aser jongshiba mapang.
12. Maipang Ita (December) : Tzümai shishi-i aluba mapang (tzümai aluba dang tsüraburi Maipangi alu ta ajar).