Panaji, January 23 (Agencies): Küm ka tsüngda nung tajemba agi railway station 100 nung Google ajanga Wi-Fi enoktsütsü, ta Railways nung Union minister Suresh Prabhu-i Honibarnü ashi.
“Küm ka nung Google Wi-Fi ya railway station tulu 100 shi nung enoktsütsü,” ta All India Saraswat Sammellan sentong akaba mapang Prabhu-i osangbenertem den jembidang ashi.
Ato Kilonser Narendra Modi-i Mountain View, California nung aliba Google headquarter tem semdangba mapang Google nung CEO Sunder Pichai-i, India railway station 400 nung Wi-Fi angati agütsütsü lemtetba ashi.
“Google Wi-Fi tesendaktep den külemi India railway nung jajartem asoshi onoki tajangzük balaka agütsütsü meranger,” ta iba sentong nung tongti tesemdanger Prabhu-i ashi.
You must be logged in to post a comment Login