Kumble India Head Coach shimogo

New Delhi, June 23 (Agencies): India cricket team indang head coach inyaktsü asoshi taoba India captain, Anil Kumble shimba osang ka Board of Control for Cricket in India (BCCI)-i tanü, Brehostibar nü metetdaktsüogo.
Taoba India captain, Sourav Ganguly, Sachin Tendulkar aser batsman mongin, VVS Laxman nunger densemba BCCI’er Cricket Advisory Committee-i nisung 57 rong nungi arishi küm 45 tain Kumble ya shimteta osang jangjaogo.
“India-i July-August tsüngda West Indies den Test series 4 asayaba mapang nungi tenzüka Kumble-i küm 1 tashi head coach inyaktsü renemogo,” ta BCC secretary, Sanjay Jagdale-i osang jangjashitsü.
“India head coach inyaktsü maongka agütsüba atema kanga pelar,” ta Kumble-ia metetdaktsü.
2015 World Cup tatemlen India head coach inyaktsü tezüngzüktep tembanga Duncan Fletcher-i head coach menden toktsü aser pa melenzüka Kumble head coach tasenba akümer lir.
Taoba mapang India tenüng nung Test asaya 132, One-Day Internationls (ODIs) 271 aser Twenty20 (T20) International asaya 54 tashi asayasang, Kumble-i Test wicket 619 tashi agiba osang bushitetogo.