Kümkümshitsü

~ Süpongnüngsang Longkümer,
Darogapathar Dimapur.

Nagaland nung Khristan yimsü marudang pi kintem ya kechi yimsü aser tamangpa tenüng kechi liasü ajipo meshitet, yamaji asen kin a meyitsüngpa, Longditsüngpa, anüngtsüngpa aser Lijapa tsüngrem ta jempia liaka tongtipangsa Alimapur ta jaa aser jempia aru. Kodang Tsüngremi Aor dak tenük ranglok 22 Dec 1872 ajisürpo arem takong nung mi yok ama Ao lima tang masü Nagaland ajungai Khrista asoshi ta sangoktsü 1972 nung noklangjong mong alia atentener ama longsua monga aruogo. Noklangjong mong ta süaka Küm tir, tokur (80, 90) tsüngta nungpo ajak amangseper ama tesüngmangtsüka ataloka aruogo. Nagaland nung arogo kwi ali ajak mongdang ka kübok tenüng züluoka ajakji bei mongdangi amokbanger ashi aküma arudaki. Tetsü tepu tamang nung tashe tait aser temulung tagütsü liasü ta par mapa agi sayur.
Alima nung yimjung raksar, saka shishilembapa ajanga tema tazütsü alentebpa liaka tenlaki raksaja khristain tem aika tepseta makmakshishi aser damatari agi sünga lir saka Tanüa arogo aika renloka aopa angashidang, Tsüngrem tenüng nung tasü aitpa amaji asenoka koda ? asenokpo sen yong yimli yoka achipabur, saka aji ken toktsüti, asen lima nunga arogo aika renloka odake item arogo ya tzüsenpa burtemi yim tasen akümpa, Town tem nung arogo ka tang sünüaka litiyimti ajanga arogo nung angatetteper razüka aopatem mongdang nung tenüng züluoka tenzüker aikati shilem agidake. Yamajisa ano pi oshi jempirtem amangdakja arogo tenzüktsür aser NBCC mongdang nung tenüng züluoka aika khristain kümdaktsüdake item ajak ya Tsüngremi mapa inyakpa kuli lir. Yamajisa Tsüngrem tanülai ajungshipa burtemi sarasatem tesep aika lapoka samapa tanüla, tashe maitpa, aser timtimpa burtem Tsüngrem o tapet agi temulung meyipdakja aser tashidak anepja temoatsü ngudaktsüdake saka item Santemji arogo dak anilokja Kibubar San kümdakja lira kanga temoatsü saka bei san kümdakja item temu agia lira Tsüngremi mepelatsü südi. Ano telok ka lir, kecha lokdi ronem, yim ronem, tesendaktep mali bei sasa yangerpa arogo, arogotem nungi San tajung anizüka penür oa mesüpa aser parnok nungi temu chia anepalupa aika kümdake item asoshi kanga tekümtangtsü aser tesasatsü Yoh 10:1-6 Yisui ashi “Atangji züngpong ni nenok dang shidi, shipai kikümpang ajanga maite,tanga len kati San kidangi aiter pa aour aser asher.Isreal lima len San nüker telok aika liaka aonungpo parnok telok atema San ki ka tang San kiji long agi yanglur aser kiküm ka lapoker kishe nüker kati ammang piyong anüker, ilen nungjagi aniokle anitetle ta anisüngzükdaktsür saka aour arur Sanji jateter saka Santemi kibur ola metet nungji temai matoker anungji aour jagi kishelen rakpoker aser Santemji aour ajener (Anizüker ajenbaji aour rakpokbaji asher aser rakzükraktemer) Yisui iba dak rangloker o entepba lir ta ratettsür.
Khrista makizükpabur akizükadakja arogo dak aniloktsüra arogoi tzüsenja taküm kaket nung tenüng züluoktsütsü aser shipai inyak pa/laji arogoi tenüng mesange malitsü. Saka arogo züngsem anienba dangji aour aser asher aser rakzükraktemer ta ajar. Ezekiel34:1-4Kibuba o kü dangi aru, nisung chir, Isreal Sannükertem anema shinang; aser parnomdang shiang, yamai Kibuba Tsüngremi ashir, bei dang mesüpa Isreal Sannükertem asoshi aiatai! Sannükertemi Santem memesütsü no? Nenoki temo achir, nenoki rezüng sü apener, tejebketba nenoki tepseter,saka nenoki Santem memesür Nenoki tashe maitpatem tashr meitdaktsür mesüra shiranger maneptsü. Mesüra zübupang maleptsü,mesüra mashi leni meyibpa anir maru,mesüra tesamaba mebushi; saka tasheyim aser tesashi agi nenoki parnok madak yimsü asü. Item ajak meyibpa repramgshia yanglushira tajung saka temeden,aser mulungsü pushitepra teraksa. Lokdi tangatetep nung nokdaker shipa aipelentir pa /La akoksa saka anizüka aor aser tanidakerji nisungia merenshir, Tsüngremi na shipaar memetet ta ashitsü tsüputsür Amen.