Kumlong nung angati medical camp agi

Dimapur, May 8 (TYO) : Kumlong Baptist Arogo (KBA)-i Chief Medical Officer (CMO) Mokokchung den yaritepa tenlakidang angati medical camp ka ayongzüka agi.
Iba sentong ya Kumlong Baptist Arogo nung mission board-i acha-ayanga agi aser nisung noklang ana den timba aden.
Kumlong Baptist Arogo-i sangdong ka nung KBC mission board, Kumlong ward sensotem aser Dr Takosunep, Dr Ayangla, Dr Marina nungertemi anir doctor ajak dang pelaba metetdaktsü.
Iba sentong ya Mokokchung CMO, Dr Akaba-i Urban Health Mission ajanga teyari tulu agüja ayongzük, ta sangdong nungsa shia lir.