Kumlong Ward Golden Jubilee nüngtem nung tanurtem tetoktepba agi

Dimapur, December 10 (TYO) : Kumlong Ward Golden Jubilee Planning Committee-i Honibarnü Eden Academy nung Kumlong aser Mongsenbai nung aliba tanurtem asoshi ‘sketching & crayon drawing’ tetoktepba ka ayongzüka agi.
Kumlong Ward council, Kumlong Environment Committee aser Kumlong Baptist Arogo nungeri teyari agüja Planning Committee-i iba sentong ya ‘Toxic Free Environment’ omen nung ayongzük.
Tetoktepbaji shilem ana lemsar junior (Class V-VII) aser Senior (Class IX – XII) ta lemsar agi aser tetendangertemji Aren Changkija (chief judge), KBC Associate Pastor Moanaro Imchen aser Planning Committee member I Tsukjem nungertem liasü.
Planning Committee-i taruba küm ana tsüngda sentong balala ayongzüka agitsü terenemba lir aser tanü agiba sentong ya mezüngbuba lir.
Iba tetoktepba nung yariteper ajak dang kanga pelar ta Kumlong Ward Golden Jubilee Planning Committee Convener, Tia Longkumer-i ashi.
Paisa, Kumlong Ward Council, tetendangertem aser shilem agir ajak dang pelaba ashi aser Eden Academy Administrator-i school melaba atema balaka pelaba shisem.
Mokokchung nung kiyong tulutiba rongnung Kumlong Ward ka ka lir aser 2019 küm kiyong tenteter küm 50 ajungba jubilee amungtsü. Iba nükla asoshi Kumlong Ward Council-i planning committee ka shima parnoki jubilee atema sentongtem atonga inyaker.
Tanü tetoktepba nung takok angurtem
Senior
1st prize –
Imliakum Jamir
2nd prize –
Moanenla Imchen
3rd prize –
Retsungdangba T Kichu
Junior
1st prize –
Alemrenla Jamir
2nd prize –
Tangsemnaro Imsong
3rd prize –
Imnasenla T Longkumer