Kümshia gari lenmang lendong nung nisung lakh 1.5 shi asür: Nitin Gadkari

New Delhi, March 09 (Agencies): Linük nung kümshia gari lendong tatalokba lakh 5 nungi nisung lakh 1.5 asür, ta tanü Road Transport & Highways Union Minister, Nitin Gadkari-i Lok Sabha nung metetdaktsü.
“Kümshia linük nung gari lenmang lendong tatalokba lakh 5 shi nungi nisung lakh 1.5 lakh asüba ya tiamaka. Item tatalokba atema lenmang engineering dak-a tai tongloktsütsüsa lir,” ta pai Question Hour mapang ashi.
Gadkari-i ashiba agi, gari lenmang lendong ajema akumtsü atema sorkari kanga nendaka inyakdar.
Paisa, yimtsüng aser jilatem ajangba National Highways nung underpasses aser over-bridges aika yanglutsü, koba ajanga item lendong ajema akumtsü, ta metetdaktsü.
Minister-isa, sen crore 1,83, 180 crore indoka gari lenmang kilometer 14,268 bo four-lane lenmang yangludar, aser iba mapaji 2019 küm May ita tashi nungbo tembangtsü, ta ashi.
“2016-17 küm National Highway four-lane mapa densema National Highway yangluba nung sen crore 62,046 intokogo,” ta pai ashi.
Tesüiba küm asem tsüngda linük nung National Highway nung aliba toll plaza nungi saru sen crore 43,721 sarutetogo, ta paisa shisem.