‘Kung Fu Panda 3’ film India nung sangküm sayatsü

New Delhi, December 16 (Agencies): Fox Star Studious-i ‘Kung Fu Panda 3’ film densema tongti Hollywood film ishika India nung taruba 2016 küm sayatsü renemogo.
India nung tentetba Fox Star teloki ketdangsüa, ‘Kung Fu Panda 3’ sangküm April ita 3 nü; ‘Ice Age: Collision Course’ July 15 nü; ‘Deadpool’ February ita 12 nü; ‘Gambit’ October 7 nü aser ‘X-Men: Apocalypse’ May ita 20 nü India nung sayatsü renema lir.
“Fox Star Studios tenüng nung Hollywood film tajungtem India nung taruba 2016 küm sayatsü sentong tulu renema lir,” ta Fox Star Studious nung CEO, Vijay Singh-i metetdaktsü.
Sangküm sayatsü renemba film tarensen nung 1996 küm yangluba science fiction film, ‘Independence Day’ tanabuba, ‘Independence Day: Resurgence’ film-a densema lir.
2015 Golden Globe sempet agütsütsü asoshi benokba aser Leonardo DiCaprio-i tongti shilem agiba film, ‘The Revenant’-a sangküm sayatsü renema lir.
‘The Revenant’ film February ita 19 nü aser Jennifer Lawrence o Bradley Cooper nati tongti shilem agiba ‘Joy’ film January ita 22 nü sayatsü.