Kung fu sayuba aser belt grading sentong takok ngua kaogo

Mokokchung, Mongputeni/Oct 31 (TYO): “Kung fu crash course for self defence and belt grading” ta sür kung-fu sayuba aser belt grading sentong ka anogo ter nü tashi yangi Multi-Sports Hall, Imkongmeren Sports Complex Mokokchung nung takok ngua agiogo. Iba sentong ya New Kung Fu Association Mokokchung-i ayongzük.
Iba tesayuba sentong nung nisung 63-i shilem agia liasü aser shilem agia adener ajak nem association-i kuli kaket tajung kaka renema agütsüogo.
Iba sentong den repsema ano Oct 30 nü belt grading sentong balaka agia liasü aser iba sentong nung special guest pastor, Temsüwati-i kung-fu ya tim masüba lenmang nung masü saka temang anema alitsüba dak rangloker asayatsü asoshi tayongzükba ka agütsü.
Belt grading aser certificate agütsüba maparenji Indian Kung-fu Federation president & chief examiner, Indian Kung-fu Federation, grand master Sarat Singh (8th degree black belt)-i ketdang süa agi. Belt black degree balala angurtemji; Toshimeren black belt, Temsuyanger black belt, Bendangakum black belt 3 degree, Waluniba black belt 1 degree, Mithlesh black belt, Chandan Thakar black belt aser Imyepong Longkumer black belt parnok liasü.