Künü anogo tambur ana tsüngda nung tera mangatettep adok :

Tambur ka jagi mapa kar inyakba ajanga tambur kaji kanga jashitsüsa inyaker lia, künü dena arem nung iba anasaji ajurutep dang tambur ka jagi kanga jashia pai inyakbaji ashishia kanga mejungi artsü, idangji tambur shibai aibelen pai meshidaki inyakba asoshiji kanga dang sasaa bilema,
Hau! ni tai inyakogo kü dang tai tokang ta nangzük. Saka tambur ka jagi kangasa jashia pa jashibaji khenbosa pa dakji aazük nung ang pa jashibaji sünümtsüsa ain adoka ali ajema zükteptsü ayungmeso.
Paibo kangasa züktepnüa ayungshir, saka tambur ka jagi adianu, ni zükteptsü ya kangabo jangraa mali aja! Oda nai kangasa züknüra odang zükang ta ashi.
Iba anogoji dena asoshi kati jangratema shi azü ajak sala-a züktepnür, saka adianu ka jagi pa raratepa zükteptsü nung kangabo iba den joko tambur kümer arem nung züktepa kazüba mapanga masü, asünung pa asoshi zükteptsüji kanga memolungba mapa aser mapang ka pai ajuru. Iba anogo ya pa taküm nung taremzük ta asübaji yamaia asüa na ta bilema ka nemji merendaktsür kidangi shilang.
Iba aonung pai yipden nung mejanger tesüiba kümtem aser mapang tu bilemdanga aonung, oh! Adianuba küna pronglaji Arogo nung Kibubar wadang nung küm aikasa inyaker ka ka asüana! ta bilemtet.
LILIR: SMS