Kuotsu 1 buba Kohima District Chess asayamong champion akümer

Chess asayamong nung takok angurtemi tetushi tesemdanger, Rovilato Mor den aroki agiba noksa ka yangi angur.

Kohima, August 07 (TYO): Kohima District Chess Association (KDCA)-i Nagaland Chess Association (NCA) nungi temelaba agir külen Kohima kübok APO Conference Hall nung ayongba 1 buba Kohima District Chess Championship nung Visanyuzo Kuotsu-i temaba jenjang ngua champion tanü Hokolbar nü kümogo.
Kuotsu-i takok marok aser kuli kaket den külemi, senpet sen 10,000 agizük.
Neikehiezo Zinyu, Kevilekho Zumvu aser Sedesielie Nagi nungeri tanabuba, tasembuba aser pezübuba jenjang ngua parnokia takok marok aser kuli kaket den külemi, senpet sen 7000, 5000 aser 3000 agizüka liasü.
Tanü asayamong tembangba sentong nung tetushi tesemdanger, Kohima Deputy Commissioner, Rovilato Mor-i tanü takok angur nem senpetji agütsü.
“Tan ama district jenjang nung chess asayamong takok ngua ayongba atema tayonger dang kanga pelar. Ano, asayartemia tarutsü mapang nung tan dang tajungba shilem agitsü alizüng tulu ayutsü ajungshir,” ta tetushi tesemdangeri ayongzük.
Tan asayamong nung takok angur nem agütsüba takok marok, kuli kaket aser senpet sen ajungaji Nagaland Parliamentary Secretary, Youth Resources & Sports, State Lotteries & Music Task Force, Khriehu Liezietsu-i tenlaba osang jangjaogo.