Kurt arishi küm 50 ajungba anogo nung par jalai akhümtsübu agütsü

February 21, 2017 : Nüngtugu kentener telok, Nirvana nungi tongti shilem agir, asür Kurt Cobain sor küm 50 ajungba anogo nung par jala, Frances Bean Cobain-i la tebu bilemteta akhümtsübu agütsü.
Kurt ya 1994 küm April ita nung asü. Pai prangpong akhaba injang agi pa tekolak nung yirua asü. Iba mapang Kurt ya arishi küm 27 liasü aser Courtney Love tena tanur Francis ya ita 20 tain liasü.
“Tanü anogo ya na sor küm 50 ajungba anogo lir. Ni na teti meimer aser menungrar. Kü nem taküm sempet agütsüba asoshi kanga pelar. Nür jala, Francis Bean Cobain,” ta shidi ka teka agi zülur, arishi küm 24 tain, Francis indang Instagram nung inoktsü.
Francis ya ‘visual artist’ mapa inyaker aser tawa Marc Jacobs indang ‘Spring 2017 collection’ nunga tongti shilem agi.
“Tang ya pa taküm ali asübo, nia kübo ka alitsü asü. Aser ibaji ni asoshi kanga tesüngmangtsü temoatsü ka süla,” ta Francis-i 2015 küm osangbener den jembidang shia liasü. Ibaji lai tebu indang otsü mezüngbuba jembiba liasü.