Kushal Konwar nem Bharat Ratna agütsütsüla: Tarun Gogoi

Guwahati, October 23 (Agencies): Quit India Movement nung taküm bendanga agütsür Kushal Konwar nem Bharat Ratna agütsütsüla ta taoba Assam Chief Minister Tarun Gogoi-i ashi.
“Assam nungi Quit India Movement nung taküm bendanga agütsür Kushal Konwar nem Bharat Ratna agütsütsüla” ta Gogoi-i Twitter nung metetdaktsü.
“Veer Savarkar dang nungibo Konwar nem ang iba sempet agütsütsü tetemsü lir. Maharashtra nung Assembly election jakdang BJP-i Savarkar nem Bharat Ratna agütsütsü ta nangzükogo” ta paisa shisem.
“Mahatma Gandhi tepsettsü tasa atongba nung Savarkar dak-a tai tonglokja liasü” ta Gogoi-isa metetdaktsü.
BJP-i Veer Savarkar nem Bharat Ratna agütsütsü nangzük aser iba ya Union Home Minister Amit Shah-i Varanasi nung jembidang ashi.
BJP-i Savarkar nem Bharat Ratna agütsütsü ta asüba ya Congress lennir Abhishek Singhvi-i Hombarnü pusema nungitogo.
“VD Savarkar ya tashir ka liasü aser nüjiso atema raradang shilem agi, Dalit temeten atema inyak aser linük atema tepuokdak ayu. Ni Savarkar indang tangatetba magizüker saka pa ya tashir ka liasü” ta Singhvi-i ashi.