Kütsü den ni music melenteptettsü: Bruno Mars

January 31, 2017 (Agencies): Bruno Mars tetsü Bernadette Dan Pedro Bayot shiba 2013 küm asü la den tanaben külemi alitsü asoshi takoktsü asünungbo pai kentenba-a toktsütsü; Kütsüji music dang nung taoba ta küm 31 tain kenteneri ashi.
“Ni melenshiogo, kütsüji kü music dang nungi taoba aser la tanaben meyipa angutsü asoshi ni kü music dena melenteptsü,” ta osangbener den jembidang Bruno Mars-i ashi.
“Maneni inyakang ta kütsüi ashiba teti ni angashir,” ta pai ashi.
Olulu mesüra ashishitep ken o balala ajanga masü saka mapa ajanga jangjadaktsüner, ta paisa shisem.
“Ni music yanglutsü kanga jangrar aser music ajanga dang nisungtem nem jembinür,” ta Bruno-isa ashi.