Kuwait Emir-i India nunger nisung 15 nem tatok agüja temerenshi ajemtsüogo: Sushma

New Delhi, September 30 (Agencies): Kuwait nunger tepoukdak alir India nunger nisung 15 nem tasüba temerenshi agütsütsü obendang agütsür liasü, saka parnok nem temerenshi ajema agüja Kuwait Emir-i parnok taküm piyong tepoukdak ayutsü lemtetogo, ta Honibarnü India External Affairs Minister, Sushma Swaraj-i metetdaktsü.
Swaraj-i ashiba agi, Emir-isa India nunger tepoukdak alir nisung 119 nem temerenshi ajema agütsütsü tetuyuba agütsüogo.
“India nunger 15 nem tasüba temernshi agütsütsü aliba nungi taküm piyong tepoukdak ayutsü lemtetogo ta Kuwait Emir-i tepela nung sangdongogo,” ta Sushma-i tanü twitter ajanga metetdaktsü.
Iba dak sendakba nung Swaraj-i Kuwait Emir-i temeim mapa inyakba atema pa dang pelaba lemsatepba den külemi lai, India nunger jail nungi chioktsü alibapurtem den Kuwait nung Indian Embassy-i yariteptsü, ta metetdaktsü.