Kuwait nung chubar jabaso ka dena nisung 7 südaktsü

Kuwait, January 25 (Agencies) : Bodbarnü Kuwait nung chubar kibong Al-Sabah nungia chuba jabaso ka dena nisung tenet tashi tasüba agi merenshiogo, ta state news agency KUNA ajanga metetdaktsü.
Kuwait nung chubar kibong nungi tasüba agi merenshibaji tang mezüng lir, ta parnokisa ashi.
2010 küm par tanük aser chuba jabaso tepsetba atema Sheikh Faisal Abdullah Al-Jaber Al-Sabah aija liasü, ta Kuwaiti osangkakettem nung metetdaktsü.
Al-Sabah-i nisung tepsettsü tasa atong aser licence maliba prangpong-injang amshi, ta okadaki aitsü.
Iba ken o nung Kuwait tsür ka dena tai tongloka tasüba agi merenshiogo.
Tanüngba nisungtemji Bangladesh, Egypt, Ethiopia aser Philippines nungi liasü aser parnok nisung tepsetba, tepsettsü merangba, tashiyim agi apuba aser tashiyim agi raksatsüba ken o balala nung aikja liasü.