Kvitova Birmingham final-i iogo

Birmingham June 24 (Agencies): Czech tsür tennis asayar Petra Kvitova yiruba ajanga mapang talangka masayai lir Honibarnü Birmingham nung Aegon Classic final tongtetogo. Semifinal asaya nung la den asayar Lucie Safarova tetsüng yirua asaya nungi tuguadokba ajanga lai iba asaya koka final-i iogo.
Wimbledon anaben tashi koker alila Kvitova asoshi iba asayamong ya taküm küm asayamong tanabuba nung shilem agir asütsü. Lucie masayateti anenba mapang nung Kvitova-i 6-1 1-0 agi koka liasü.
December ita lar kidangi auer atua aouyatsü merangba mapang nung la teka yirua liasü aser iba sülen la mapang talangka masayai lir tawa maneni kanga junga asayatar.
Safarova den külemi American tsür Coco Vandeweghe aser Italy tsür Camila Giorgi nata yiruba ajanga iba asayamong nung tembanga masayateti liasü.
Kvitova final nung semi-final tanabuba Muguruza aser Barty na tsüngda asayar takoker den asayatsü.