Kvitova WTA Elite Trophy final-i iogo

Zhuhai, November 05 (Agencies): Czech Republic tsür, Petra Kvitova-i lar semifinal asaya koka, WTA Elite Trophy asayamong final asayatsü jenjang tanü, Honibar nü ajangzükogo.
Tan asayamong nung 3 buba jenjang abenla, Kvitova-i tanü ghonda 1 ser minute 6 nung points 6-2, 6-2  ngua, China tsür, Zhang Shuai tsükdaktsü.
Tetsür World No. 13, Kvitova-i Ukraine tsür, Elina Svitolina den final asayatsü lemzükogo.
Tan asayamong nung 4 buba jenjang abener, Svitolina-ia tanü points 2-6 6-1 6-4 agi Britain tsür, Johanna Konta tanabuba semfinal asaya nung tsükdakja, final asayatsü jenjang ajangzüka liasü.