L. Doulo tepsettsü merangba aitsür: NCD

Dimapur, September 20 (TYO): September 18, 2017 nü nisung kari Kuda cold storage kibur, L Doulo tepsettsü merangba osang angashia aoksar, aser iba mapaji Naga Council Dimapur (NCD)-i sashia aitsür, ta tanü NCD tongti tezülur, Thsapongkyu Sangtam-i sangdong ka ajanga metetdaktsü.
“Iba ama tasümait mapa ya Naga lokti atema amokmeren ka lir, aser item ama nisung tamajunger nem asenok amokmeren mesüdaktsütsüla. Ozüng amenertem tekaraba nung aibelenertem pua tapet temerenshi agutsütsü akhanger,” ta kasa sangdong nungsa shia lir.