L. Hotovi yim Baptist Arogo Hon Jubilee amungtsü

Dimapur, April 18 (TYO) : L. Hotovi yim Baptist Arogo April 20, 2017 nü Tenla Kidang Hon Jubilee amungtsü sentong ajak renema lir.
Iba sentong nung tongti o jembir, WSBAK nung Executive Secretary, Rev.Dr. Hevukhu Achumi-i “Proclamation of Liberation” onük nung ajemdaker o jembitsü.
Sentong nung LHGBA Pastor, Lujeto Yeptho menden asütsü aser yimtak Head G.B. Hotovi Yepthomi-i tarurtem pela agizükba o jembitsü.
Iba dak alaka ano tanga sentongtemji Jubilee lapokba, nüngo sayaba, sobaliba ken aser ken balala atenbatem alitsü.
L. Hotovi yim Baptist Arogo nung Pastor aser Jubilee organising committee ajanga Arogo züngsemtem, tekjaokertem aser temeimertem ajak shia aliba anogo nung anepdang 10:00 ako nungi iba Hon Jubilee nung arua adentsü ayongzüker.