L.L.Yaden alima nungi pilaogo

Dimapur, July 26 (TYO) : Merangkong nunger Langpangkong Kaketshir Mongdang (LKM) nung mezüng tir Wabong Lipoklemba Yaden IAS (Rtd) Deobar nü alima nungi pilaogo. Pa arishi küm 93 liasü.
Pa ya Langpangkong nunger rongnung mezüng graduate aser mezüng gazetted Officer liasü. Pa mezüng sorkar mapai aibaji 1952 küm Naga lima ya North East Frontier Agency kübok alidang liasü. Iba sülen 1968 küm IAS jenjang agütsü aser 1984 küm Nagaland Commissioner inyaka lia küm agi tonger mapa nungi anen.
Pa sorkar mapa nung alidang sorkar inyakyim aika metongshia tajungba küma yanglutsüba otsü lir. Pa ya mapa nung tenendak aser ochishir sorkar ketdangser ka liasü.
Pa asüba osang angashia Nagaland Chief minister,Wb.T.R.Zeliang, Nagaland Pradesh Congress Committee tir Wb.K. Therie, IAS Officers’ Association, Nagaland, Nagaland Press Association, Dimapur aser Mokokchung Press Club aser Tir Yimyim nung inyakertem ajaki asür kinüngertem den mangyim jashi lemsatepba osang metetdaktsüogo.
Parnok ajaki asür L.L.Yaden ya mapa nung tenendak aser ochishir ka liasü ta kuli tajung agütsüogo.
Pai pa kinüngtsü Wt.Daisy Yaden den jabaso asem, jala pezü, semchir 16 aser puiner 4 toktsür iba lima nungi pilar.
Pa den asü pila sentep sentong Hombar anüngdang 11:00 ako nungi Dimapur PWD lenjem nung par kidang alitsü aser yangji aremtsü.