La Liga: FC Barcelona-i goal 6-1 agi Celta Vigo akok

Barcelona, February 15 (Agencies): Luis Surez-i hat-trick yanglua kanga junga asayaba ajanga par FC Barcelona teloki goal 6-1 agi Celta Vigo madak takok ngua 2015-16 La Liga asayamong nung yashi, Deobar nü shilem agiogo.
Fernando Torres-i takokba goal agüja goal 1-0 agi takok anguba sülen Atletico Madrid teloki points 3 agi Barcelona telok memenepi tang 2 buba jenjang nung lir.
Barcelona telok den points 4 agi tajemba anguba Real Madrid teloki tasembuba jenjang ngua lir.
Yashi asaya nung Lionel Messi-i free-kick goal 1 agüja par Barcelona telok temaba jenjang nung ajungkettsü saka Celta asayar, John Guidetti-i penalty takok ngua metsüba ajanga par telok anaprongla kasa jenjang aküm.
Ajisüka, Saurez-i goal 3 tashi agüja hat-trick yangluba ajanga par Barcelona teloki goal 4-1 agi temaba jenjang angu.
Tesülen, Ivan Rakitic aser Neymar nati goal kaka agüja par Barcelona telok nem goal 6-1 agi takok ngudaktsü.