La Liga nung asayar tambusang asaya nungi anisüngzüktsü

Las Palmas (Spain), May 8 (Agencies) : Las Palmas telok nungi midfielder aser La Liga nung football asayar rongnung tambutisang Juan Carlos Valeron-i tan asayamong sülen football asaya nungi anisüngzüktsü, ta metetdaktsüogo. Pa dang arishi küm 40 lir.
Valeron-i, ni anisüngzüktsü mapang anasa ozü teloka yaküm La Liga asayamong nung shilem agitsü maongka ngutetba aser ano taruba küma kasa asayamong nung asayatettsüsa jenjang ngutetba atema kanga pelar, ta ashiba Efe osang ajanga metetdaktsü.
Valeron nübu jungdang REal Mallorca, Atletico Madrid aser Deportivo La Coruna telok tenüng nungi La Liga asayamong mapang asaya noklang 400 dak tema asayaogo.
Pa asaya tenzükbaji Las Palmas telok nungi tenzük aser kasa telok nung asaya lia anisüngzüker.