La Liga: Real Madrid-i goal 10-2 agi Vallecano akok

Madrid, December 21 (Agencies): Gareth Bale-i goal 4 agütsüba densema, par Real Madrid teloki goal 10-2 agi Rayo Vallecano telok madak takok ngua tang tasayadak La Liga asayamong nung yashi Deobar nü shilem agiogo.
Real teloki tan takok anguba sülen tan La Liga asayamong nung temaba jenjang abener, Barcelona aser Atletico Madrid telok na points 2 agi memenepi lir.
Real teloki tan goal 10 agüja takok anguba ya küm 55 nung La Liga asayamong asaya nung telok kati tan mezüngsüa goal 10 tashi agüja takok angur lir.
Yashi asaya tenzüker minute 12 buba tashi nung Bale-i par Real telok asoshi mezüngbuba goal agütsü saka Vallecano asayar, Antonio Amaya aser Jozabed nati goal ka ka agüja par teloki goal 2-1 agi timba jenjang nung ajungkettsü.
Tesülen, Bale-i goal 1 agüja par telok anaprongla kasa jenjang kümdaktsü.
Asaya tenzüker minute 30 shi nung referee-i Tito nem red card agüja asayadak temaleni tukudaktsüba sülen Cristiano Ronaldo-i goal 2, Bale-i maneni goal 2 aser Karim Benzema-i goal 3 tashi agüja par Real telok nem takokba bener arutsü.