Labour Dept den NCSU-i training ayonger

Kohima, Mongputeni/October 28 (TYO): Labour Department, Nagaland den Nagaland Contractors’ and Suppliers Union (NCSU)-i Mongputeni/October 31, 2018 anüngdang 11:00 ako nungi Hotel Japfu, Kohima nung Nagaland Building aser tanga Construction Workers Welfare Board atema training programme ka ayongzükogo, ta tanü Joint Secretary, NCSU, Imsunok Jamir-i sangdong ka ajanga metetdaktsü.
Iba sentong ya NCSU vice president, K L Setuo leniba nung agitsü aser NCSU president, Pele Khezhie-i Tir onük jembitsü. Kasa sentong nung Project Officer cum Secretary, NBOCW Welfare Board, T Chuba Yanger-i okila jembitsü aser Commissioner & Secretary Labour Department, Anenla Sato-i tayongzükba o jembitsü.
Iba dak sendakba nung NCSU executive committee züngsem, action committee, advisors aser NCSU district units ajak nungi president aser secretary ajak medema adentsü metetdaktsür, ta kasa sangdong nung shia lir.