Labour dept-i KMC mapa inyaker nem ‘safety gears’ agütsü

Kohima, September 13 (TYO) : Mongulbarnü Labour Directorate, Nagaland-i Kohima Municipal Council (KMC) sanitary mapa inyaker nem safety gears lema agütsü.
Tanü agütsüba safety gears nung- helmet, safety shoes, hand glove, jacket amala dena lir aser KMC conference hall nung Labour Commissioner L. Nungshiyanger Aier-i lema agütsü.
Labour department-i agütsüba personal protective equipments (PPE) ji merükmeju aser lendong nungi kümzüktsü atema kanga tongtipang lir, ta tanü L. Nungshiyanger-i ashi.
Paisa, centre sorkari manual workers nem health insurance aser tanga teyari agütsüba indang osang metetdaktsü.
Labour Commissioner-isa sanitary mapa inyakertem dang kanga nendaka mapa inyaktsü ayongzük aser par department-i takokba tashi yariteptsü ta nangzük.
Sentong nung KMC Administrator Kovi Meyase-i labour department dang pelaba metetdaktsü.
Mapang talangka ka nungi nüngdaka aruba osettem Labour department-i agütsür. KMC kübok sanitary workers 32 lir aser parnok Deobar aser benjung anogotem nunga sodi magii mapa inyaker, ta paisa shisem.
Sentong nung Senior Sanitary Inspector KMC Neilhouphrelie Paphino-i sanitation team tenüng nung anküp tepela o jembi.