Lady Gaga aser Celine Dion nati Frank Sinatra tushiba concert nung shilem agitsü

November 11, 2015: Kentener Frank Sinatra tushiba Grammy kenten sentong ka nung shilem agitsü atema Lady Gaga aser Celine Dion nata züngsemogo.

Iba Grammy concert nung Zac Brown aser Harry Connick na densema kentener aikati shilem agitsü.

All-Star Grammy Concert ya December 02, 2015 nü Wynn Las Vegas nung akatsü aser iba sentong nungsa Sinatra nungi tajangzük angurtem- Tony Bennett, Adam Levine aser Alicia Keys nungeria shilem agitsü aser December 06 nü America nung TV ajanga yoktsü.

Iba sentong dak sentakba nung Celine Dion-i, “Küm aika kü kenten sentongtem nung ni Frank Sinatra kentem tena aruogo. Pa olaji ni atema ajungmesoba ka liasü, aser teti yamajisa asütsü,” ta ashi.

Ano Alicia Keys-ia, “Kübou-i Frank Sinatra den ni metetpelatepdaktsü. Ni pa kentem anganer,” ta ashi.