Lady Gaga aser Taylor Kinney na Italy nung kibong akümtsü

January 29, 2016: Nüngtugu kentener Lady Gaga aser Chicago Fire star, Taylor Kinney na 2015 February ita nung aniasüngtepa liasü, aser tena kibong akümtsü anogo lemteta meliaka tena Italy nung kibong akümtsü ta osang angazüker.
Yaküm tena aniasüngtepaka tena kibong akumtsü atema tenai parnok sapurtem dang kecha melemsateper.
Osang ajanga angazükba agi, Gaga-i Italy nung kibong kümner, kechiyong lar kibong ya Italy nungi.
“Lai la senmang nung benjungtepner, anungji tenati Italy countryside nung tesem kar reprangdar. Lai ‘Italian wedding’ tulu ka ayongzüka kanür,” ta New York Post osang ajanga metetdaktsü.
Tena kibong akümtsü atema aika lemtepaka kibong akümtsü anogobo ano melemtet. Iba tetezü kibong akümtsü tesem aser anogobo melemtet.
Wedding dress designer ji, Donatella Versace asütsü akok, kechiyong 2013 küm nungi Gaga-i iba brand atema advertisement asüba mapang nungi tena tesentaktep junga lir.
Yaküm June ita nung Gaga-i, designer 30 dak temai la dang ‘wedding gown’ balala sayaogo, metetdakja liasü.
Gaga indang ken ‘You and I’ ajungkettsüba nung Taylor-i shilem agiba mapang Gaga tena ajurutepba sülen küm pezü lir aniasüngtepa liasü.