Lady Gaga-i ‘American Horror Story: Hotel’ nung shilem agitsü

August 09, 2015: ‘American Horror Story: Hotel’ taruba season asoshi ano ita asem anünga lir saka iba indang osang kar jungkai adokdagi.
Hokolbar nü (August 08, 2015) American Horror Story: Hotel cast tem Los Angeles, Television Critics Association nung senden amenba mapang taruba series nung shilem agitsüpurtem parnoki metetdaktsüogo.
Iba sentong nungji Lady GaGa bo meliasü, saka iba show nung lai agitsü aliba shilem indang metetdaktsüogo, ta show Creator, Ryan Murphy-i ashi.
“Lai (Lady Gaga) Elizabeth ama shilem agitsü,” ta Murphy-i ashi.
“La hotel ka kibur asütsü, la lokti lenir ka aser takar tsür ka ama shilem agitsü. Hombar nungi tenzüka la shilem tangoktsü,” ta paisa ashi.