Lady Gaga-i asür David Bowie nem akhüm agütsütsü

Lady GagaNew York, January 21 (Agencies): Nüngtugu pop kentener, Lady Gaga-i 2016 Grammy Awards sentong nung kentener mongin, asür David Bowie nem akhüm agütsütsü renemba osang angazükogo.

Bowie cancer tashidak agi shiranga lir külen taoba hopta iba lima nungi pila ao.

“Taruba February ita 15 nü agitsü ayongba Grammy Awards sentong nung asür Bowie nem akhüm agütsütsü sentong renemogo aser iba sentong nung Lady Gaga danga shilem agitsü asüngdanga lir,” ta sentong tayongeri ashi.

La dang asüngdangba ama, arishi küm 29 tain Lady Gaga-ia asür Bowie nem akhüm agütsütsü sentong nung shilem agitsü melungba olen ka metetdaktsüogo.

58 buba Annual Grammy Awards sentong ya Los Angeles kübok Staples Centre nung agitsü ayonga lir aser iba sentong ya CBS television sentong ajanga alima dang sayutsü.

You must be logged in to post a comment Login