Lady Gaga-i Dalai Lama den sensakasem

Los Angeles, June 27, 2016 : Kentener Lady Gaga-i Dalai Lama den mener alima nung okronga alirtem meima yaritsü aser pi nem taitok agütsüteta ajak den junga alitsü indang jembi.
Indianapolis, Indiana nung Deobarnü akaba, 84buba US Mayor tem senden ka nung arishi küm 81 tain Tibet nunger tamangba nung lenir, Dalai Lama-i yimtitem nung okronga alirtem aria bilema yaritsü o jembiba sülen Gaga tena sabang tesülen ajurutep.
Tena minute 20 mener jembiba mapang Gaga-i Dalai Lama dang alima nung lokti tebilemtsü koma sür koktettsü iba indang tasüngdangba kar asüngdanga liasü, ta dailymail.co.uk-i metetdaktsü.
Osangbener Ann Curry-i ketdangsüa agiba iba sensaksem nung tenati ajak den taitoktepa aser junga aliba tsütsü jembi aser sensaksem temer külen tena salemer senshi.
Tena sensak asemba indang noksa kar Gaga-i Instagram nunga inokja lir.