Lady Gaga-i la PTSD ajanga timtemba metetdaktsü

New York, December 6 (Agencies) : Pop kentener Lady Gaga-i Harlem nung LGBT youth shelter ka semdangdang, la ‘post-traumatic stress disorder (PTSD)’ ajanga timtemer ta ashi.
New York nung Ali Forney Centre semdangdang Lady Gaga-i la indang miim osangji lanurtem den lemsatep.
“Ni tekolok nung timtem ka lir aser anogoshia ni ibaji ajanga kangshir. Kü dak timtem aliba ajanga ni tangar timtemba tajung angateter” ta lai ashi.
Today aser NBC Universal ajanga ayongzükba #ShareKindness campaign nung shilem agidang Lady Gaga-i iba osang metetdaktsü.
Iba mapang lai süoshi aser osettem tenla agütsüba den külemi la indang kentem aten.