“Laila main Laila” ken atema sen crore 4 agütsütsü mejembi:Sunny

Mumbai, December 22, 2016 : Actress Sunny Leone-i, superstar Shah Rukh Khan indang film “Raees” nung aliba kü ken “Laila main Laila” nung küm tasen bejongtepba sentong nung shilem agitsü atema sen crore 4 agütsütsü jembiogo ta asübaji tiyazü lir, ta ashi.
“Iba osangji shitak-a ta südaktsünüali. Mumbai nung kü ken atenba atema sen crore 4 taa agütsü nungbo alima nung nisa tepelaba süla. Ni iba osangji asangsang nung atalokdaktsüner, ajisüaka tia makai iba osangji tiyazü lir,” ta lai IANS dang ashi.
Lai, “Ni iba ken nung shilem agitsü yongyaseta atar,” ta shisem.
“”Laila main Laila” ken ya 1980 küm sayaba “Qurbani” film nungi “Laila ho Laila” ken achizüka mejemba lir. Iba ken nung Sunny-i India tsür tanga linük nung oa alir ka ama shilem agir.
1980s mapang mesüka tangokba “Raees” film nung yi ayoker nisung ka shishilemba inyakyim police tesashi kati rajang kümdaktsüba otsü angutsü. Iba film ya Excel Entertainment aser Red Chillies Entertainment temi produce asüba lir.
Kasa film nung Nawazuddin Siddiqui aser Pakistan actress Mahira Khan natia shilem agia lir. Mahira Khan asoshi ibai Bollywood film mezüngbuba lir.