Laishiba – Tekümtet Asoshi Sarasadem

T. Ken 20:9 Chuba nem takokba agüjang, O Kibuba onoki ajadang langzüang.
T. Ken 54:1 O Tsüngrem, Ne tenüng agi ni kümzükang, aser Ne tashi nung kü o bendangang.
T. Ken 71:3 Ni asoshi Na talidak lung süang, ajagi ni maneni aotsü: Ni kümzüktsü asoshi Nai ozüng agütsüogo.
T. Ken 85:7 O Kibuba, onok dang temeim taochi sayuang, aser Ne tekümtet onok dang melaang.
T. Ken 86:16 O kü dangi meyipang, aser kü dang aochiang, Ne kilir nem Ne tashi agüjang aser Ne kilitsür chir kümzükang.
TAOCHI AJANGA TEKÜMTET
T.M. 20:24 Saka ni kü alizüng tongtettsü asoshi, aser Tsüngrem taochi osangtajung indang kuli agütsütsü ni Kibuba Yisu nungi tenzüktsü agizükba renemtsü asoshi inyak, ni kü takümji kü sasa senti ta kecha sükshia mali.
Rom 3:24 Saka Khrista Yisu nung koba tekümtet lir, ibaji ajanga Pa taochi agi asenok angati metendaktsü.
Rom 5:15-17 Saka temenenji koma liasü, yamaji angati sempet malir kechiyong nisung ka temenen agi oda Yisu Khrista taochi agi agütsüba sempetji aika asoshi moshia aküm. Aser sempetji nisung ka temenen agi adokba mesüka masü, kechiyong ka ajanga tai agütsütsü asoshi obendangbaji aru, saka temenen aika ajanga metendaktsütsü asoshi angati sempetji aru. Kechiyong nisung ka temenen agi Pa ajanga tasübai yimsü süra, iba dang tali, taochi tulu aser temeshiba sempet agizükertemi nisung ka, oda Yisu Khrista ajanga taküm nung yimsü asütsü.
Rom 11:5,6 Yamajisa tang mapang nunga taochi agi shimtetba yari tanüngba pur lir. Saka ibaji taochi agi süra, ibaji mapa agi masü aji mesüra taochiji joko taochi masü.
Efesa 1:5,6 Aser Pa taochi, koba Pai temeimsang nung asenok nem angati agütsü, iba taochi sentsüwangshi tushitsü asoshi, Tsüngrem temulung achiba amato, Yisu Khrista ajanga asenok Tsüngremi Pa chirtem ama akümtsü mezüngyongi shimtet.
Efesa 1:5-7 Aser Pa taochi, koba Pai Temeimsang nem angati agütsü, iba taochi sentsüwangshi tushitsü asoshi, Tsüngrem temulung achiba amato, Yisu Khrista ajanga asenok Tsüngremi Pa chirtem akümtsü asoshi mezüngyongi shimtet. Aser Khrista taochi rongsen amato asenoki Khrista nung Pa zü ajanga asen tekümtet, oda asen temenen tatokbaji angu.
Efesa 2:4-10 Saka Tsüngrem shiba yimlibilem nung takar, Pa temeim tulu agi asenok dang meim nung, tarutsü putu nung Pai Pa taochi rongsen tulu Khrista Yisu nung asenok dang kümli tajung agi sayutettsü asoshi, asenok mashi jajaba ajanga tasü liaka, Pai asenok Khrista den shia arudaktsü, (taochi agi nenok kümzükogo), aser kotak talidak nung Khrista Yisu nung asenok Pa den mendaktsü. Kechiyong taochi agi tamang ajanga nenok kümzüker, aser aji Tsüngrem sempet, shingaia moulutsü asoshi, aji mapa agi masü. Kechiaser Pa teyangluba mapaji asenok, aser koba mapa tajung nung asenoki jajatsü Tsüngremi alemli renem, iba mapa tajung asoshi Khrista Yisu nung asenok yangluogo.
2 Timoti 1:9,10 Pai asenok kümzük, aser temeshi ajaba agi asenok aja; asen mapa amato masü, saka Pai mulungba aser taochi koba tetenzük makaba mapang dang tamasa Khrista Yisu nung asenok nem agüja liasü, saka tang asen Kümtetdakba Khrista Yisu aruba agi jungkai adok, iba mulungba aser taochi amato asenok aja. Pai tasüba samadakja, osangtajung ajanga taküm aser tamasüba tesangwa daki bener aru.
Tita 3:5 Idangji asenok sasa inyakba temeshi mapa agi masü, saka Pai pei yimlibilem amato tanaben asoba agi shidokja Tanela Temeshi-i tasen kümdaktsüba agi Pai asenok kümzük.
1 Peter 1:9-10 Aser nenok tamang tatembang, oda nenok tanela tekümtet, nenoki ngua lir.
Iba tekümtet indang ainkartem shiri nenok asoshi atemzüka taochi indang shin, parnoki iba tekümtet arishi aser meranga bushi.
O Oba, Na renemtsüba kü tanela tekümtet ni meranga bushitsü Ne taochi kü nem kua. Amen.