Lakh 99 alang Lexus RX450hL Luxury SUV India nung saya

Mongputeni/October 04, 2019 (Agencies): Lexus India-i ‘RX450hL’ ta nüngja agütsüba luxury SUV gari tasen ka India nung sayatsüogo. Iba gari jenjang sen lakh 99 (ex-showroom) asütsü.
Tejangrartemi RX mekaa ayutsü atema tan ita nungi lapoktsüogo. Tang RX gari tasenba ya generation pezübuba asütsü aser iba nung third-row seat talila bendenloksemtsüogo.
RX engine BS-VI compliant asütsü, kong 3.5-litre V6 engine amenoka yanglutsüogo. Iba engine nung Dual VVT-i aser advanced D-4S fuel injection system inoksemtsüogo aser ibaji ajanga 308bhp aser 335Nm torque agütsür. Engine inyakyim ya 8-speed DCT (Dual Clutch Transmison) ka ajanga yarisemtsü.
“RX 450hL ya self-charging hybrid electric vehicle ka asütsü, kong luxury feature den tesadem, tepor junga yangluba gari ka lir. Gari nung technology den design tasen ajanga RX 450hL yagi customer tem atsüa arutsü imlar. Onoki nangzükba ama tanü shishilembadak RX indang generation pezübuba introduce asütsüsa maongka anguba asoshi pelar aser iba gari RX line up nung bendenloksemtsüba ajanga segment tali tashiita aotsü,” ta gari sayatsüba sentong nung Lexus India, President, P B Venugopal-i ashi.
Lexus-i ashiba agi, RX450hL generation pezübuba ya kanga dang akangashia yanglutsüogo. Tang gari nung feature balala rongnung Active Cornering Assist (ACA) aser shock absorbers tasen inoktsüogo. Iba denji külemi, gari nung Friction Control Device (FCD) feature angutsü, koba ajanga gari nung high- frequency vibrations ajemdaktsür.
RX450hL nung theatre-style seat keta aliba angutsü aser gari tema nung L-shaped LED lamps ana den LED DRL angutsü.
Maneni, RX telung nung Lexus-original remote touch interface den külemi touch-display screen tasen ka inoksemtsüogo. Iba feature dak alia, smartphone den connect süa amshitsü atema feature talisa phone holder aser USB port, Apple CarPlay aser Android Auto inoka yanglutsüogo.
Iba system-isa cloud connection mesüra phones ajanga Apple Siri mesüra Google Assistant tem ola ajanga control sütetter. Kasaji, navigation atema gari anirtemi Lexus navigation mesüra smartphone navigation rongnung mashi ka shima amshiteter.