Dimapur, September 26 (TYO): Lakhuni Sporting Club ‘B’ teloki tan September ita 23-23 nü tashi asayaba 11 buba Imchaba Master Memorial Nagaland Open Volleyball Trophy asayamong takok marok agizükogo.
Champion telok, Lakhuni-i takok marok den sen 70,000 senpet agizük; Friends United Chakpa teloki 1st runner-up jenjang ngua, sen 50,000 senpet angu; Sporting Club Mangkolemba teloki 2nd runner-up jenjang ngua, sen 25,000 senpet agizük aser Longsa Sports Association teloki 3rd runner-up jenjang ngua, sen 15,000 senpet agizüka liasü.
Individual shilem nung Chakpa telok nungi Jongpongnokdang-i Man of the Tournament aser Lakhuni ‘B’ telok nungi Imlichiba o Toshienba nati Best Spiker o Best Setter jenjang tajung ngua, parnokia senpet den kulikaket agizük.
Asayamong shibangba sentong nung Nagaland Minister, National Highway & Mechanical Engineering & Election, Nuklutoshi tongti tesemdanger liasü aser tan asayamong nung ajak agi telok 15 tashi toktepa shilem agi.
You must be logged in to post a comment Login