Lakmé Fashion Week aser FNDC nati Northeast India nung tan mezüng Model Auditions agitsü

Mumbai, July 02 (Agencies) : Linük nung kanga jangraba sentong Lakmé Fashion Week tan mezüngsüa Guwahati nung arua Northeast tesem nungi model tem audition agitsü. Iba sentong ya Lakmé aser IMG Reliance Pvt Ltd na lokteper ayonga akatsü.
Lakmé Fashion Week ajanga Deepika Padukone aser Katrina Kaif na den ano international models Pooja Mor aser Bhumika Arora nunger tangari meteta aküm. Pooja Mor aser Bhumika Arora nabo New York Fashion Week aser Paris Fashion Week sentongtem nunga shilem agidangba nisung lir.
Iba audition sentong ya Northeast India Fashion & Design Council (FNDC) den lungjemer July 4, 2016 nikongdang 1:00 ako nungi Terra Mayaa Lounge, Guwahati nung akatsü.
Iba audition nung tetendangertemji linük nung fashion tsütsü mongintem den Sonalika Sahay, Assam tsür actress Nishita Goswami aser Barsha Rani Bishaya nunger asütsü.
Iba sentong nung takok angurtem osang iba anogo nungsa metetdaktsütsü aser takok angurtem ajak, Mumbai nung August 24 nungi 28 tashi akatsü aliba, Lakmé Fashion Week Winter/Festive 2016 sentong nung shilem agitsü atema contract agütsütsü.